ШӨХТГ-ын дэргэд “Мэргэжлийн нэгдсэн холбоод”-ын зөвлөл байгуулсан нь Монгол Улсад анх удаа төрийн байгууллагын дэргэд зөвлөл байгуулсан тохиолдол юм. Тус зөвлөл өнөөдөр анхны хуралдаанаа зохион байгууллаа. Өмнөх уулзалтуудаар шийдвэрлэх асуудлаа хэлэлцсэн бол өнөөдөр төлөвлөгөө гаргаж, ямар асуудлыг хэзээ шийдвэрлэхээ тодорхой болгосон байна.
 “Мэргэжлийн нэгдсэн холбоод”-ын зөвлөл нь эхний ээлжинд хийж хэрэгжүүлэх 10 ажлын жагсаалтыг гаргасан байна. Тухайлбал улсын төсөв хэрэгжиж эхлэхээс өмнө яаравчлан 120 холбоодын нэгдсэн форумыг зохион байгуулж, аж ахуй эрхлэгчдийнхээ эрх ашгийг тусгасан үйл хэрэг болгохоор зорьж байна.
 Монгол Улсын хэмжээнд 25 мянга гаруй төрийн бус байгууллага байдаг. Өнгөрсөн хугацаанд нэгдэж, нийлж эрх ашгаа хамгаалж чаддаггүй байсан. Харин өнөөдөр холбоод бүр хоорондоо уялдаа холбоотой ажиллаж, дуу хоолойгоо идэвхтэй түгээж байхаар тохирлоо.