Баялаг бүтээгчдийг дэмжих холбоо бүтэн жилийн турш монгол орны өнцөг булан бүрт хийж бүтээхийн хүслээр жигүүрлэж яваа үндэсний үйлдвэрлэгчдийг дэмжих, олон нийтэд сурталчлан таниулах ажлыг хийсэн. Харин 2016 оноос энэхүү том ажлын үр дүн гарч баялаг бүтээгчдийг дэмжиж, хамтран ажиллах төрийн болон төрийн бус байгууллагуудын тоо нэмэгдсээр байна.
Баянхонгор аймгийн Засаг даргын Тамгын газар, Иргэдийн төлөөлөгчдийн хурал 2016 оныг "Баялаг бүтээгчдийг дэмжих жил" болгон зарлажээ. Баялаг бүтээгчдийг дэмжих холбооны үйл ажиллагааг дэмжиж хамтран ажиллах, орон нутгийн үйлдвэрлэл эрхлэгчдэд үйлдвэрлэлээ өргөжүүлэх, шинээр үйл ажиллагаа явуулах таатай нөхцөлийг бүрдүүлэхэд бүтэн жилийн турш баялаг бүтээгчидтэй хамтран ажиллана гэдгээ орон нутгийн удирдлагууд мэдэгдсэн юм. Мөн "Баялаг бүтээгчдийг дэмжих жил" болгон зарласны хүрээнд Баялаг бүтээгчдийг дэмжих холбоотой хамтран ажиллах гэрээнд гарын үсэг зурлаа.
Монгол Улсын Засгийн газар 2016 оныг "Хэрэглэгчийн жил", Аж үйлдвэрийн яам “Дотоодын үйлдвэрлэл, борлуулалтыг дэмжих жил” болгон зарласан. Харин орон нутаг үндэсний үйлдвэрлэгчдээ дэмжих зорилгоор Төв, Дорноговь, Xовд
Cүхбаатар, Дундговь, Xэнтий, Баянхонгор аймаг Баянгол дүүрэг нааштайгаар хүлээн авч 2016 оныг "Баялаг бүтээгчдийг дэмжих жил" болгон зарлаад байна.
Баянхонгор аймгийн ИТХ-ын дарга Д.Ширмэн
"Баялаг бүтээгчдийг дэмжих жил" болгон зарласны хүрээнд Баялаг бүтээгчдийг дэмжих холбооны ерөнхийлөгч Ч.Даваабаяр бидэнтэй хамтран ажиллах гэрээнд гарын үсэг зурлаа
Нэмүү өртөг шингэсэн бүтээгдэхүүнийг үйлвэрлэж байж өрх гэр, аж ахуй нэгж цаашлаад аймаг орон нутаг хөгжих боломж байгаа. Баялаг бүтээгчид, үйлдвэрлэгчид рүү хандсан олон бодлого, шийдвэрийг гаргаж ажиллах болно.
Баянхонгор аймгийн Засаг дарга Д.Жаргалсайхан
Баянхонгор аймаг хүнээ хөгжүүлэх, баялаг бүтээгчдээ дэмжиж ажиллах тал дээр олон зүйлсийг хийх гэрээ байгууллаа. Баялаг бүтээнэ гэдэг цаг хугацаа, хөрөнгө мөнгө, хүч хөдөлмөр шаарддаг. Үйлдвэрлэгчдийн бүтээгдэхүүнийг борлуулахын тулд орон нутгийн дэмжлэг чухал. Баялаг бүтээгчдийг дэмжих холбоо бидний ажлыг дэмжиж ажиллах болсонд баярлаж байна.
