" Баялаг бүтээгчдийг дэмжих холбоо " үндэсний үйлдвэрлэгчдийн үйл ажиллагаатай танилцаж тулгарч буй асуудлыг нь сонсдог. Энэ удаа " Монгол мал органик хүнс " ХХК-тай танилцаж хийж хэрэгжүүлж буй баялаг болон өнөөгийн цаг үед тулгамдаж буй асуудлын талаар ярилцсан юм.  https://www.facebook.com/BayalagButeegch





    “Монгол мал, органик хүнс”  ХХК  компани нь 2020 оны 10 сард байгуулагдсан бөгөөд Khuvsgul lake брэндийн мах, махан бүтээгдэхүүн боловсруулах үйлдвэрлэлийн чиглэлээр үйл ажиллагаа эрхэлдэг. Эрүүл–Шинэ–Зөөлөн мах гэх тодотголтой Khuvsgullake брэндийн махыг хамгийн эрүүл бэлчээртэй, цэнгэг устай, малын гоц халдварт өвчин сүүлийн жилүүдэд илрээгүй хоёр аймгийн нэг болох Хөвсгөл аймгийн малчдаас амьд мал захиалж авдаг байна. Мөн малыг амьд байхад нь цуснаас нь шинжилгээ авч сорил тавьж сүрьеэ, бруцеллёз зэрэг өвчтэй эсэхийг шинжлэн,  эрүүл малыг нядалгаанд оруулж,  эрүүл ахуйн стандарт шаардлага хангасан үйлдвэр,  лаборатори,  хөргүүртэй тээвэр,  эрүүл боловсон хүчнээр мах бэлтгүүлж байна. 



    Э.Боролзойхүү: Монголд үндэсний үйлдвэржилтийг дэмжих хүмүүс их болжээ. Ялангуяа хүнсний чиглэлээр үйл ажиллагаа явуулж байгаа үндэсний баялаг бүтээгчид олон болж байна. Энэ нь нэг үгээр үндэсний үйлдвэрлэгч байгуулагууд нэмэгдэх боломжтой гэсэн үг юм. Сүүлийн 2 жилийн хугацаанд цар тахлаас болж олон байгууллага үүдээ хаасан. Манай хүнсний салбар арай ядан явж өдөр хоногийг өнгөрөөсөн олон байгууллага хувь хүн бий. Гэхдээ саар зүйлийн хажуугаар сайн зүйл нь өргөн хэрэглээний бараа бүтээгдэхүүн болох хүнсний гол нэрийн бүтээгдэхүүн үйлдвэрлэгч манай байгуулагын хувьд саад байсангүй.