Одоогоор энэхүү жийп машиныг өмнө нь хүлээн авсан захиалгуудын дагуу угсарч байгаа хэдий ч удахгүй үйлдвэрлэлээс хасан, шинэ загварыг танилцуулах аж. Эх сурвалжуудын мэдээлснээр шинэ загварыг “Land Cruiser 300” хэмээн нэрлэх гэнэ.
“Toyota Land Cruiser 200”-ийн сүүлийн цуврал энэ гуравдугаар сард гарч дуусах бөгөөд шинэ загварын автомашинуудыг ирэх тавдугаар сараас угсарч эхэлнэ гэсэн албан бус мэдээлэл байгаа юм. “Toyota” компанийн зүгээс ирэх дөрөвдүгээр сарын дундуур “Land Cruiser 300” маркийн автомашины загвар, үзүүлэлт болон үнийн талаар зарлах бөгөөд дараагаар нь урьдчилсан захиалга эхэлнэ гэж орон нутгийн хэвлэлээр мэдээлжээ.
Шинэ “Land Cruiser” нь “TNGA” платформ дээр угсрагдах бөгөөд ерөнхий бүтэц нь өөрчлөгдөж, хэмжээ нь томрох аж. Түүнчлэн “V8” хөдөлгүүрийн оронд байгальд ээлтэй “V6” хөдөлгүүрийг суурилуулах юм.
ОХУ-ын” Auto Mail.ru” вэбсайт шинэ “Toyota Land Cruiser 300” автомашиныг хэрхэн харагдаж магадгүйг урьдчилан төсөөлснийг сонирхуулж байна.
.jpg)
.jpg)
Эх сурвалж: https://livetv.mn/
