Манай улс короновируст цар тахлыг дотооддоо алдсанаар бүх нийтийн бэлэн байдлын зэрэгт шилжиж хатуу хөл хорио тогтоогоод нэг сар боллоо. Энэ хугацаанд аж ахуй нэгж байгууллагууд тэг зогсолтод орж ингэснээр жижиг дунд үйлдвэр, үйлчилгээ эрхлэгчдийн өмнө олон бэрхшээл тулгарсан юм.
ЖДҮ-ийн салбарт нийт 850 мянга гаруй хүн ажилладаг бөгөөд эдгээр хүмүүсийн дийлэнх нь ажлын байргүй болох эрсдэл үүсээд байна. Цаашид яг энэ байдлаараа үргэлжилбэл бизнесийн байгууллагын үйл ажиллагаа хөл дээрээ босоход хүндрэл үүсэх юм. Тиймээс “Цар тахал ба эдийн засаг” сэдвийн хүрээнд Баялаг бүтээгчдийг дэмжих холбооны өргөтгөсөн хуралдаан өнөөдөр /2020.12.09/ цахимаар болсон юм.
Тус өргөтгөсөн хуралдаанаар жижиг дунд үйлдвэр, үйлчилгээ эрхлэгчдэд тулгамдаж байгаа асуудал, цаашид хэрэгжүүлэх арга хэмжээний талаар нийслэл болон 21 аймгийн баялаг бүтээгчид, эдийн засагч, эрдэмтэн докторуудтай санал солилцлоо. Энэ үеэр үүсээд байгаа нөхцөл байдлыг хэрхэн даван туулах талаар ажил хэрэгч олон саналууд гарч цаашид томоохон акц хийх шаардлагатайг онцлов.
Баялаг бүтээгчдийн санал солилцох өргөтгөсөн хуралдааны үеэр мөн цар тахлын үед бусад улс оронд ждү салбараа хэрхэн дамжиж байгаа талаар жишээ татан танилцуулсан юм.
Тухайлбал, төрийн худалдаа авалтыг маш сайн дэмжиж үйлдвэрлэлийн салбараа хадгалснаар эдийн засгаа аварч үлдэх бас нэгэн боломж хэмээн тэд харжээ.
Харин манай улсад одоогоор үндэсний үйлдвэрлэлээ дэмжих цогц бодлого дутагдалтай байсаар цар тахалтай нүүр тулж барьц алдаж байна.
Тиймээс Баялаг бүтээгчдийг дэмжих холбооны санаачилгаар “Хөгжлийн төлөөх судалгааны байгууллага” –аас баялаг бүтээгчдийн дунд "КОВИД-19" ЦАР ТАХЛЫН ҮЕИЙН БИЗНЕСИЙН НӨХЦӨЛ БАЙДЛЫН ТАЛААРХ СУДАЛГААГ ХИЙЖ БАЙНА. Уг судалгааны үр дүнг УИХ, ЗГ, УОК, НОК зэрэг шийдвэр гаргагчдад хандан тулгамдаж байгаа асуудал, гарц шийдлүүдийг хүргүүлэх юм байна.
Цаашдаа зээлийн хүү бууруулахын зэрэгцээ арилжааны банкнууд бага хүүтэй зээл олгох нь Үндэсний Үйлдвэрлэгчдэд том дэм болох юм. Мөн зээлийн батлан даалтын сангийн уялдаа холбоог сайжруулж малчдын орлогыг дэмжих чиглэлээр ноос ноолуур арьс ширний үйлдвэрийг дэмжих шаардлагатайг онцоллоо.
ШУУД ҮЗЭХ:
