2020 оны 12 дугаар сарын 20-нд ББДХ-ны удирдах зөвлөлийн хурал боллоо. Уг хуралдаанаар шинэ CEO-г шалгаруулах сонгон шалгаруулалт явагдаж ББДХ-ны шинэ CEO-оор 2018 онд ББДХ-нд орж Жижиг дунд үйлдвэрийн төсөл сонгон шалгаруулах хороонд ажиллаж байсан Н.ЕСҮХЭН томилогдлоо. 


Түүний зүгээс холбооны ажлын өнөөдрөөс эхлэн албан ёсоор хүлээж аваад байна. 

Н.ЕСҮХЭН : ББДХ 5 дахь жилээ үдэж байна. 6 дахь жилдээ 6 дахь CEO-оор томилогдон ажиллаж байгаадаа баяртай байна. Холбооны CEO нарын хувьд ярихад урьд жилүүдэд CEO-г нэг жилээр томилдог, урьд урьдын CEO нар маань бол маркетингийн, хуулийн чиглэлээр гэсэн өөр өөрийн онцлогтой CEO нар байсан. Миний хувьд жижиг дунд үйлдвэрлэлийн чиглэлээр 2015 оноос хойш Мастерийн зэрэг хамгаалаад одоо докторын зэрэг хамгаалахаар явж байна. Холбоог илүү мэргэжлийн түвшинд аваачъя гэсэн гол зорилго дэвшүүлэн ажиллаж байгаа. Нэн түрүүний хийх ажил бол мэдээж хэрэг холбооны их хурал онлайнаар хийнэ. Мөн дээрээс нь дэлхийд гарсан цаг үеийн нөхцөл байдалтай тохируулан холбооны гишүүдтэй дижитал шилжилт гэдэг юу юм бэ? O2 маркетинг, менежмент яаж хэрхэн хэрэгжүүлэх юм бэ? гэдэг талаар хамгийн түрүүний ажил болгохоор зорьж байна. Баялаг бүтээгчдийн дэмжих холбооны ерөнхийлөгч онцгой комиссын дэргэдэх комисст ажиллаж байна. Баялаг бүтээгчдийг дэмжих холбоо 2020 оны 12 дугаар сард ZOOM-ээр 21 аймагтай холбогдож санал бодлоо солилцож, тэндээс гарсан санал бодлоо Онцгой комисс, Засгийн газарт хүргүүлэхээр ажиллаж байгаа.