Ховд аймагт “Таны тус багадахгүй” аян зохион байгуулаад байгаа билээ.  Уг аяныг Ховд аймгийн Жаргалант сумын Буянт багийн Засаг дарга Д.Байгалмаа, “Таван шүтээн ЛХА” ТББ хамтран зохион байнуулж буй юм.

Аяны хүрээнд Буянт багийн иргэн, бүтэн өнчин эгч, дүү хоёрыг гэртэй болгосон байна. Хоёр сарын хугацаанд үргэлжилсэн  аянд  Буянт багийн нутаг дэвсгэрт үйл ажиллагаа  явуулж байгаа  аж ахуйн нэгж, албан байгууллагууд ч нэгдсэн бөгөөд  аяны үеэр тэдэнд  5 ханатай гэр авч өгчээ.

Уг аяны үйл ажиллагаанд  Зэвсэгт хүчний 123 дугаар анги, 9 болон 6 дугаар цэцэрлэг, Домбот, Өндөр хөхий, Нутаг хүнсний дэлгүүр, Татварын хэлтэс, УЦУОШТ-ийн хамт олон идэвхтэй оролцсон  бөгөөд тус байгин 20 орчим иргэн сэтгэлийн хандив өгсөн аж.

Иргэн Л.Цагаанцоож нь эгчтэйгээ хамт амьдардаг. Эцэг эх нь өөд болсноос хойш өөрийн гэсэн орон гэргүй  тул найз нөхөд, хөршийндөө амьдардаг байсан ажээ.

Эгч дүүсийг гэртэй болгоод зогсохгүй Л.Цагаанцоожийг Зэвсэгт хүчний 123 дугаар ангийн гэрээт цэргийн албанд ажилд оруулжээ.

Ийнхүү олон хүний сэтгэлийн хандив, тусламж дэмжлэгээр бүтэн өнчин эгч, дүүс өөрийн гэсэн гэртэй, ажилтай болсон байна.

Эх сурвалж: erennews.mn