Дархан-Уул аймагт өнгөрөгч онд нийтдээ 50 гаруй иргэд жижиг дунд үйлдвэрлэлийг хөгжүүлэх сангийн зээлд хамрагдахаар хүсэлт өгч 15 аж ахуй нэгж байгууллага иргэд шалгарч зээлээ авчээ. Тэд өөрсдийнхөө ажлын байрыг өргөжүүлэн, ажиллах иргэдийнхээ тоог тодорхой хувиар нэмэгдүүлж чадсан байна.
 

Үе тэнгийн залуучууддаа үлгэр дуурайл болохуйц олон залуу энэхүү зээлд хамрагдан бизнесээ өргөжүүлсэн. Тухайлбал төмөр дээр сийлбэр хийдэг Дархандаа байхгүй тоног төхөөрөмжийг зээлийн мөнгөөрөө худалдан авч түүгээрээ олон төрлийн төмөр сийлбэртэй бүтээлүүдийг урласан байна. Түүнчлэн цэвэр элгэн гутал, цүнх, гадуур өмсөх хувцасыг үйлвэрлэн аль хэдийн хэрглэгчиддээ танигдсан гээд олон шинэ шинэлэг ажлуудыг хөрсөн дээр буулгасан байна. Тэд өөрсдөө ажлын байраа бий болгохын зэрэгцээ бусдыг ажилтай орлоготой болгож чадсан нь жижиг дунд үйлвэрлэлийг хөгжүүлэх сангийн бодит үр дүн болж байна. Нийтдээ шинээр 90 ажлын байр бий болжээ.

Зээлд хамрагдсан иргэд Дархан хотдоо төдийгүй улсдаа хийж болох бүхий л жижиг бичил бизнесүүдийг хөгжүүлж ажлын байраа нэмэгдүүлж чадлаа. Өнөө жилийн Жижиг дунд үйлдвэрлэлийг хөгжүүлэх сангийн зээлд хамрагдах хүсэлтэй иргэн, аж ахуй нэгж байгууллагын материалыг ирэх сарын 19-ны өдрийг хүртэл хүлээн авч байгаа аж.