Бид энэ удаагийн урландаа “Эгнэшгүй санаа” төвийг зохион байуулагч, уран хатгамалч С.Ганцэцэгийг урьсан юм. Тэрээр 11 настайдаа ээжээсээ соёлын үнэт бус өвийг өвлөж, өдгөө 28 жил уран хатгамал оёж байна.
Ажил мэргэжлийн хувьд эдийн засагч. Түүний ээжийн авга эгчийн хийсэн хөөрөгний даалин Баянхонгор аймгийн Баянцагаан сумын музейд байдаг ажээ. Бөхцоохор овгийн эмэгтэйчүүд бүгд удам дамжсан уран хатгамалчид юм. Анх зүү ороохоосоо илүү хивсэнцэр нэхэж сурсан байна.
Түүний хийсэн анхны хивсний араамыг аав нь зангидаж, ээж нь утсыг нь бэлдэж өгсөн байна. Гэртээ сандал, буйдангийн хивс урласан нь түүний анхны бүтээл болжээ. Дунд ангид байхаасаа хэн хүний хийж чадахааргүй зүйлийг сурсан болохоор өөрийн сурсан эрдмээ бусадтай хуваалцаж 10 жилийнхээ багш нар, найзууддаа хивс нэхэх, зүү ороохыг зааж өгч байжээ.
Тэрээр 11 настайдаа ээжээсээ соёлын үнэт бус өвийг өвлөж, өдгөө 28 жил уран хатгамал оёж байна.
2005 онд уран хатгамалчдын улсын уралдаанд оролцож III байрт орж уран хатгамалч цол хүртсэн байна. Түүний ээж З.Цэнгэлсайханы хувьд 1000 гаруй шавьтай Монголынхоо өв соёлыг бусдад түгээх авч үлдэхийн тулд чамгүй хөдөлмөрлөж яваа нэгэн билээ.
Энэ жилээс эхлэн Монголын хүүхдийн урлан бүтээх төвд даалин урлахуйн анги нээн 70 гаруй хүүхдийг сургаж байна. Монголдоо ганцхан үнэгүй сургалт явуулдаг хүүхэд залуучуудын төвд өөрийн биеэр санал хүргүүлэн өв соёлоо бусдад түгээж сууна. Уран хатгамалч маань 11 настайдаа даалин оёж сурсан учраас энэ насны хүүхдүүд илүү сурна гэсэн бодолтойгоор 11-ээс дээш насны хүүхдүүдийг сургалтдаа авчээ.
БНСУ-ын Элчин сайдын яамтай хамтран зохион байгуулдаг үзэсгэлэнд тус ангийн хүүхдүүд оролцож хоёр бүтээл нь байр эзэлсэн байна. Харин С.Ганцэцэг багшийн хувьд “Урлаг ба урлахуй” үзэсгэлэнд даалин аяганы уутаар оролцож тэргүүн байр эзэлсэн юм.
Мөн Богд хааны хэрэглэж байсан даалинг 16 дахин томруулан хийжээ.
Дан ганц даалин хээ оёхоос гадна Монголын нэгэн үнэт өв болох зоосон ширээ шүлжмэл хийдэг. Энэ нь машинаар хийдэггүй гараар шүлждэгээрээ онцлогтой. Зоосон ширээ, суман сүлжээс гэж байдаг байна. Энэ сүлжээсийг 8-32 утсаар шүлждэг байна.
Мөн Богд хааны хэрэглэж байсан даалинг 16 дахин томруулан хийжээ. Энэ бүтээлийг анх 108 уран хатгамалч эхлүүлсэн бол таван хатгамалч хамтран оёж дуусгасан байна. Энэ бүтээлийн загасан нурууг хоёр төрлөөр хатгасан ба хээг нь есөн өнгийн дагнаасаар оёжээ.
Мөн энэ бүтээл дээр зоосон ширээний шүлжмэлийг 32-оор хийдэг бол энэ удаа 64 утсаар хийсэн аж. Хүндэтгэлийн даалинг Гиннесийн номонд бүтгүүлэхээр хичээн ажиллаж байгаа юм байна. Зүү ороох оёдлыг зөвхөн даалин болон хавтаганд ашигладаггүй бүх зүйлд чимэглэл болгон ашиглаж болно хэмээн уран хатгамалч С.Ганцэцэг ярьж байсан юм.
Эх сурвалж: zms.mn
