УУХҮ-ийн сайд Д.Сумъяабазар:

 

-Өчигдрөөс шатахууны үнэ 50-100 төгрөгөөр буурсан байгаа. Цаашдаа сарын дараа литр тутамдаа 200 төгрөгөөр шатахууны үнэ буурна. Коронавирусийн  халдварын энэ үед олон улсад шатахууны үнэ буурсаар байна. Дэлхийн зах зээлийн шатахууны үнэ ханшийн доод үнэ дээр ирээд байна. Энэ үед бид саваа бэлтгээд, шатахуунаа нөөцөлж авах хэрэгтэй хэмээгээд сэтгүүлчдийн асуултад хариулав. 

 

-Шатахууны хэдэн өдрийн нөөцтэй байгаа вэ?

 

-Бид нэмж нефтийн агуулах сав авах хэрэгтэй. Өнөөдрийн байдлаар улсын хэмжээгээр А-92 36 хоногийн, дизель 30 хоногийн нөөцтэй байгаа. Шатахуун хангамжийн тогтвортой нөөцтэй байгаа. Коронавирусийн үед шатахууны борлуулалт буурсан. Замын Үүд дээр байгаа 30 мянган тонн шатахууныг татаж байна. 

 

-Дизелийн үнэ мөн буурах уу?

 

-Дизелийн үнэ буурна. Цаашдаа бид дэлхийн зах зээлийн жишгээр явна. Дэлхий нийтээрээ механик зогсолтод ороод байна. Тодорхой хугацааны дараа сэргэнэ. Энэ үед үнэ өснө. 

 

-Нүүрс тээвэрлэлтийн ажил яаж явагдах вэ?

 

-Газар дээр нь үзэж танилцаж, ариутгал, халдваргүйжүүлэлт хийж, бэлтгэл ажлаа сайн хангана. Аюулгүй байдал чухал. Эрүүл мэндийн хямрал эдийн засгийн хямрал руу орчихгүй байх бодлого барьж байна. 

Эх сурвалж: shuud.mn