“Номт” намгүй ч мөнгөтэй, МАН “Номт”-гүй ч ЖДҮ-чидтэй


Хачин, жигтэй асуудлыг МАН-ын Хяналтын хорооноос гаргав. Тэд өчигдөр хуралдаад УИХ-ын гишүүн Н.Номтойбаярыг намаас хасах шийдвэр гаргасан. Харин Халдашгүй байдлын дэд хороо 100 хувь түдгэлзүүлэх санал гаргасан ч Хууль зүй, Төрийн байгуулалтын байнгын хорооны хуралдаанаар түүний бүрэн эрхийг түдгэлзүүлэх шаардлагагүй гэсэн шийдвэр гаргаад байгаа. Эцсийн шийдвэрийг өнөөдөр УИХ-ын чуулганы хуралдаанаар хэлэлцэнэ.

Үүнээс өмнө МАН Н.Номтойбаярыг хасах тухайгаа олон нийтэд ил зарласан нь мөнгөний өмнө бөхийхгүй гэдгээ бардам харуулсан явдал хэмээн талархагчид олон байна. Нөгөөтэйгүүр нэг хүний мөнгийг харахааргүйгээр олон хүнийг  хөрөнгөжүүлсэн гэх утгыг илэрхийлэв

Нийгэмд Н.Номтойбаярыг “эцгийнхээ хөрөнгөөр туйлж, өнөөг хүрсэн” гэж үзэх хандлага бий.  Түүнчлэн түүнийг өмөөрсөн хэнийг ч МАК-иас хишиг хүртсэн тул өрөө төлж байгаа нь тэр гэдэг. Тэгвэл нөгөө талдаа МАН-ын ЖДҮ-чид яасан байх нь вэ. МАН-ын хяналтын хороо байтугай намын дарга нь яагаад  кабинетын гишүүдээ  ЖДҮ-гээс хөрөнгө босгочихоод байхад толгойг нь илээд суугаад байна вэ.

УИХ-ын чуулганы өнөөдрийн хуралдаанаар бүрэн эрхээс нь түдгэлзүүлсэн ч Н.Номтойбаяр намгүй ч мөнгөтэйгээ үлдэнэ. Харин МАН-ын хувьд олон нийтийн харддаг шиг ганц “саалийн үнээ”-гээ тууж явуулчихаад хариуцлага тооцолгүй авч үлдсэн олон ЖДҮ-чнээрээ тэтгүүлэх үү. Тиймийн тулд нэр дэвших хүмүүсээс хандив авахгүй гэж том дуугарав уу.

Н.Номтойбаярын хувьд цахим орчин дахь өөрийнх нь талаарх зарим асуултад “Мэнд амоор. Аливаад бүрэн мэдээлэлтэй байж санал дүгнэлт хийх нь сэхээлэг үйл бөгөөд таны ажлын ч үүрэг. Би цав цагаан амьтан бишээ. Гэхдээ бусдын чихэнд төлбөртэй орж ойлгогдсоноор хав хар амьтан ч бас биш. Тийм учраас чуулганыг нээлттэй явуулаач гээд байгаа юм” хэмээн хариулжээ. 

Үнэхээр цав цагаан амьтан улстөрд байтугай нийгэмд байхгүй. Гэвч нийтээрээ нэгийгээ боорлох нь цаагуураа тохироонд нь нэгдээгүйн баталгаа гэхээс өөр юу ч гэх вэ дээ.

Эх сурвалж: erennews.mn