“SpaceX” компани 60 хиймэл дагуул нэмж хөөргөнө
 

Нэгдүгээр сарын 6-ны өдөр Америкийн “SpaceX” компани “Starlink” төслийнхөө хүрээнд 60 хиймэл дагуулыг тойрог замд нэмж хөөргөхөөр төлөвлөж байна. Үйл ажиллагаа Улаанбаатарын цагаар мягмар гарагийн 10:19 цагт таарч байгаа бөгөөд, Флорида мужийн Канавералын хошуунаас “Falcon 9” пуужин – хиймэл дагуулуудыг сансарт хөөргөнө.

Цаг агаарын урьдчилсан мэдээнд үндэслэж, пуужин хөөргөх үйл ажиллагаа бүрэн цуцлагдах 10 хувь, хойшлогдох 20 хувийн магадлал буйг тооцоолсон байна. “SpaceX” компанийн хувьд тус нэртэй пуужин – хиймэл дагуулыг ийнхүү дөрөв дэх удаагаа хөөргөх гэж байгаа бөгөөд 2018 онд нэг, 2019 онд хоёр удаа амжилттай хөөргөж байсан юм. Ийнхүү дэлхийн тойрог зам дагуу олон зуун хиймэл дагуулуудыг байршуулснаар, дэлхийн хаанаас ч интернэтэд холбогдож болох нөхцөл үүснэ гэдгийг компанийн зүгээс хэлдэг.

Эх сурвалж: Eguur.mn