"Масс" агентлагийн хамт олон “Баялаг бүтээгчдийг дэмжинэ” төслийг эх орон даяар эхлүүлсэн. Эх орныхоо өнцөг булан бүрт ажиллаж, амьдарч буй 21 аймгийн баялаг бүтээгчдээ сурталчилах ажил амжилттай хэрэгжиж эхний шат нь дууссан билээ.

Төслийн хоёрдугаар үе шат эхэлсэнтэй холбогдуулан Үндэсний цэцэрлэгт хүрээлэнд "Баялаг бүтээгчдийн төгөл" нээх ажил өнөөдөр боллоо. Мод тарих үйлсэд нийслэл хотын баялаг бүтээгч иргэд, "Масс" агентлагийн хамт олон оролцож Үндэсний цэцэрлэгт хүрээлэнд өөрсдийн төгөлтэй боллоо. 

Мод тарих гэгээн үйлсийг дэмжиж  Номин талст хамтлагийн дуучин СТА, Т.Дэлгэрмөрөн, СТА,  дуучин Б.Баярцэцэг нар хүрэлцэн ирж баялаг бүтээгчдийг төгөлийн нээлтэнд ая дуугаа өргөлөө.