“Жижиг, дунд үйлдвэрийн тухай” хуулийн шинэчилсэн найруулгатай холбогдуулан өнөөдөр “ЖИЖИГ ДУНД ҮЙЛДВЭР, ҮЙЛЧИЛГЭЭ ЭРХЛЭГЧДИЙН ФОРУМ”-ыг Баялаг бүтээгчдийг дэмжих холбоо зохион байгуулах гэж байна.
Форумд Үндэсний хөгжлийн газар, ХХААХҮЯ, МУ-ын ЗГ-ын хэрэг эрхлэх газрын төлөөлөл болон хуулийн төслийн ажлын хэсэг оролцоно. Баялаг бүтээгчдийг дэмжих холбооны санаачилсан жижиг дунд үйлдвэр, үйлчилгээ эрхлэгчдийн форумд монгол орны өнцөг булан бүрт ажиллаж хөдөлмөрлөж буй баялаг бүтээгчид хүрэлцэн ирж оролцох юм.
Тухайлбал: Форумд 21 аймаг, 9 дүүргийн төлөөллүүд оролцоно.
Уг форумыг ETVHD болон МАSS телевизүүд эх орон даяар шууд дамжуулан хүргэх юм.
