Хөгжингүй орнуудын ЖДҮ-ийг дэмжих санхүүжилтийн бүтэц цуврал мэдээлэл Япон орноор үргэлжилж байна. Япон Улсын богино хугацаатай зээлийн хүүгийн дундаж хэмжээ сүүлийн 10 жилийн турш буурсан үзүүлэлттэй байна.
Цар тахлын улмаас хил хаагдаж, албан байгууллага, бизнес эрхлэгчдийн үйл ажиллагаа зогссоноос үүдсэн эдийн засгийн хямралд Япон улс хамгийн их өртсөн. Өнгөрөгч оны 5 дугаар сарын сүүлчээс хөл хорио тогтоосон тус улсын эдийн засаг долоогоос есдүгээр сард эргэн сэргэнэ хэмээн судлаачид таамаглаж байсан боловч дотоодын нийт бүтээгдэхүүн нь 27.8 хувиар буурсан гэдгийг Японы засгийн газар өнгөрөгч оны 9 дүгээр сард зарласан. Энэ нь тус улсын хувьд 1980 оноос хойших хамгийн том хямрал болж байгаа юм. Өнөөдрийн байдлаар Япон Улсын богино хугацаатай зээлийн хүүгийн дундаж хэмжээ сүүлийн 10 жилийн турш буурсан үзүүлэлттэй байна. Дашрамд дурьдахад Япон улсын жижиг, дунд үйлдвэрлэлийг дэмжих урт хугацаатай зээлийн хүү жилийн 0.8 хувь байдаг.
Харин Монгол улсын засгийн газрын 2021 оны 02 дугаар сарын 17-ны өдөр гаргасан шийдвэрийн дагуу Эдийн засгаа сэргээх, Ажлын байраа хадгалахад зориулж ЖДҮ салбарт жилийн 3 хувийн хүүтэй, 3 жилийн хугацаатай, 2 их наяд төгрөгийн зээлийг гаргах шийдвэр гарлаа.
