Энэ сонирхолтой түүх Төв Америкийн хамгийн бяцхан улс болох Коста-Рикад болсон байна. Энгийн нэгэн загасчин залуу болох Жильберто Шеддена нь матартай нөхөрлөдөг гэнэ. Хүн, махчин амьтан хоёр нөхөрлөнө гэдэг ихээхэн сонирхолтой санагдаж байгаа биз. Гэхдээ Коста-Рикагийн залуу энэ бүх зүйл бодит гэдгийг баталсан юм.
20 жилийн өмнө Жильберто нь "Парисмин" голын эрэг дээр өлсгөлсөн, үхэх гэж буй матартай таарчээ. Өрөвчхөн сэтгэлт загасчин залуу матарыг гэр рүүгээ авчирч эмчилсэн байна. Тэрээр өөрийн матрандаа "Почо" хэмээх нэр өгчээ. Почо анх ирэхдээ зүүн нүд нь гэмтсэн, ердөө л 60 кг жинтэй байжээ. 6 сарын турш Жильберто матрын амь нас, эрүүл мэндийн төлөө тэмцсэн байна. Ингээд Почог эдгэсний дараа тэрээр түүнийг ус руу нь буцаад тавьсан боловч Почо эзнээ даган араас нь иржээ. Үүнээс хойш тэд найзууд байх болсон юм.

Түүнийг ийнхүү матарыг хооллож, тэжээхэд нөхдүүд нь анх хараад айж байсан ч сүүлдээ Жильбертог үзүүлбэр үзүүлээч хэмээн хүссэн байна.
Ингээд 4 жилийн турш тэрээр матартай үзүүлбэр үзүүлж жуулчдын анхаарлыг татах болжээ. Тэрээр ямар ч айдасгүйгээр матарыг тэвэрч, үнсэж, хооллодог байна.