Компаниа хэзээ үүсгэн байгуулсан бэ. Хэчнээн төрлийн бүтээгдэхүүн гаргаж байна?

Бид хүнсний зориулалтай 15 гаруй нэр төрлийн бүтээгдэхүүн үйлдвэрлэж байна. Манай компани  анх 1989 онд “Чиглэл" ББХХоршоо нэртэйгээр үүсгэн байгуулагдаж, гэр ахуйн цахилгаан хэрэгсэл, нийтийн хоолны тоног төхөөрөмжийн засвар, угсралтын чиглзлээр үйл ажиллагаа явуулж эхэлсэн. 1998 оноос “Чиглэл” ХХК нэртэйгээр өргөжин тэлж, дэлгүүр, цайны газар, ресторан, баар, эмнэлэг, цэцэрлэг, сургууль, амралт сувиллын гал зуухны тоног төхөөрөмжийн засвар үйлчилгээ, угсралт, худалдаа нийлүүлэлтийн чиглэлээр үйл ажиллагаагаа явуулсаар байна.

Одоо хэчнээн ажилчинтай вэ?

Үйлдвэрийн 30 гаруй ажилчинтай. Таван салбар дэлгүүртэй үйл ажиллагаагаа явуулж байна.ОХУ, БНХАУ-аас нийтийн хоолны зориулалтын тоног төхөөрөмж оруулж ирж нийлүүлэн, худалдаалах тэдгээрийн засвар үйлчилгээг чанартай хийх, сэлбэг хэрэгслээр хангах зэргээр мэргэжлийн инженер техникийн чадварлаг баг ажиллаж ирлээ.Ажилчид маань дагалдангаар бие дааж сурсан. Хятад улсад мэргэжил дээшлүүлэх курст давхар сургасан байгаа. Ихэвчлэн  хөдөөний хүмүүс, хөгжлийн бэрхшээлтэй хүн ч бий.

Бүтээгдэхүүнүүдээсээ танилцуулаач?

Бидшөлтэй хоол хийх, цай чанах, ус буцалгах, мантуу, бууз жигнэх, сүү хөөрүүлэх 50,80, 100, 130 литрийн тогоог өөрийн үйлдвэртээ үйлдвэрлэн угсарч импортыг орлож байна. Энэ нь гадагш гарах мөнгөний урсгалыг хаах,ажлынбайр нэмэгдүүлэх, жижиг дунд үйлдвэрийг дэмжих Засгийн газрын бодлогыг хэрэгжүүлэх, үндэсний үйлдвэрийн бүтээгдэхүүний тоог өсгөх, өөрийн нэрийн брэнд бүтээгдэхүүнтэй болох зэрэг олон талын ач холбогдолтой. Энэ зорилтыг манай компани голлох үйл ажиллагаагаа болгон ажиллаж байна.

Танай бүтээгдэхүүндхудалдан авагчид ихээхэн ам сайтай байдаг юм байна лээ?

Тэгэлгүй яах вэ. Бид  бүтээгдэхүүнээ брэнд болгох зорилготой ажиллаж байна. Мөн манай компани жижиг дунд үйлдвэрийн бүтээгдэхүүн, үйлчилгээ, технологи-2008" олон улсын үзэсгэлэн яармагт оролцож, МҮХАҮТ-аас  “Импортыг орлох бүтээгдэхүүн үйлдвэрлэгч" хүндэтөргөмжлөл хүртсэн. Мөнчанарын шаардлагад нийцсэн шинэ санаа, шинэлэг технологитой тоног төхөөрөмж бэлтгэн нийлүүлж, байнга хамтран ажилладагт талархаж,Монголынүндэсний түргэн хоолны сүлжээ “Хаан бууз" кафегаас бидэнд хүндэт өргөмжлөл олгосон.

Ойрын үеийн зорилгоосоо хуваалцаач?

Бид үйлдвэрийнхээ байрыг бүрэн ашиглалтад оруулна даа. Бүтээгдэхүүнээ  төрийн байгууллагуудад нийлүүлэх гадагш гаргах зорилготой л ажиллаж байна. Мөн ажилчдынхаа хүсэл зорилгыг сайн сонсохыг хичээдэг.

Ажлын амжилт хүсье.

Харилцах утас: 11-313428 91915333