Монголд үйлдвэрлэв-Миний хэрэглээ үндэсний хэмжээний аянд загвар өмсөгч Э.Энхболд нэгдлээ.

Э.Энхболд: Монголд үйлдвэрлэв-Миний хэрэглээ челленжэд мисс Баярцэцэгийнхээ дуудлагаар нэгдээд зогсож байна. Миний хувьд үндэсний үйлдвэрлэлээ хэрэглээд зогсохгүй хэрэглэхийг уриалдаг хүмүүсийн нэг. Монгол хүн монгол хүнийхээ ур ухаанаа шингээж хийсэн бүх зүйлийг өмсөж хэрэглэх хэрэгтэй гэж боддог. Өнөөдөр би Дархан Минжийнхээ нэхийг, Говийнхоо ноолууран цамц, савхин бээлий, O couture салоныхоо лоовуузан малгайгаар гоёсон байна. Гэр бүлээрээ хүнсэндээ талх нарийн боов, сүү, сүүн бүтээгдэхүүнээ хэрэглэдэг.

Залуусдаа уриалахад дотооддоо үйлдвэрлэсэн бараа бүтээгдэхүүнээ хэрэглэж гадагшаа чиглэсэн мөнгөний урсгалаа монголдоо үлдээе. Үндсэрхэг үзэл гэж цээжээ дэлдэхээс илүүтэй санхүүгийн үндэсний үзлийг өөрсөддөө суулгая. Ингэхийн тулд хамгийн түрүүнд монголд үйлдвэрлэсэн бараа бүтээгдэхүүнээ аваад хэрэглэх, монгол хүний ур ухаан шингэсэн бүхнийг сонгох хэрэгтэй гэж хэлмээр байна.