Өнөөдөр хуралдаж байгаа аймгийн ИТХ-ын ээлжит хуралдаанаар “Уул усны диваажин” аялал жуулчлалын төсөл, арга хэмжээг батлах асуудлыг хэлэлцэж байна.

Тус төслийг хэрэгжүүлснээр баруун бүсийн боомтуудыг холбосон хил дамнасан байгалийн аялал жуулчлалыг хөгжүүлэх боломжтой хэмээн хурлын төлөөлөгчид үзэж байна.

Увс аймагт одоогоор 36 жуулчны бааз, амралтын газар, 15 зочид буудал, отоглох цэг үйл ажиллагаагаа явуулж байгаа аж. Эдгээр зочид буудал, амралтын газрын нийт орны тоо 2500 орчим байна.

Сүүлийн жилүүдэд Увс аймгийг зорих аялагч, жуулчдын урсгал нэмэгдэж, 2019 онтой харьцуулахад дотоодын жуулчдын тоо 2,5 дахин нэмэгджээ.

Эх сурвалж: Монцамэ агентлаг