Баялаг бүтээгчдийг дэмжих багц бодлого, хуулийн төслийг боловсруулах ажлын хэсгийн дэд дарга, "Баялаг бүтээгчдийг дэмжих холбоо"-ны ерөнхийлөгч, доктор /PhD/, профессор Ч.Даваабаяр өөрийн бүтээл болох "БӨГТӨР ЖДҮ" , "БАЯЛАГ БҮТЭЭГЧ" номынхоо дээжийг Шинжлэх ухаан, технологийн төв номын санд бэлэглэлээ.

Мөн тус бүтээлийнхээ цахим хувилбарыг манай номын санд өгөхөөр болсон ба бид ШУТИС-ийн Нэгдсэн каталогиороо /http://must.lib4u.net/ дамжуулан нийт уншигчиддаа онлайнаар унших боломжийг олгох болно.

Тус бүтээлүүд нь ШУТИС-ийн нийт уншигч, судлаачдын судалгааны ажилд чухал хувь нэмрээ оруулна гэдэгт итгэлтэй байна.

Ч.Даваабаяр болон "Баялаг бүтээгчдийг дэмжих холбоо" ТТБ-ийн хамт олонд ШУТИС-ийн нийт уншигч, судлаачдынхаа өмнөөс талархал илэрхийлье.

Номын цагаан буян дэлгэрэх болтугай